陳嘉容北京度歲爆瘀事
名模陳嘉容（Eunis）今個農曆新年在北京工作，雖然不能與家人一同度歲，卻不愁寂寞，因百忙中仍抽空到處遊玩，她說：「今次係幫內地某大企業員工進行衣着同禮儀大改造，教佢哋點樣令自己變得靚同有自信。今年喺北京過春節真係好開心，除咗去溫泉旅館外，仲每日做運動，好似射箭、打羽毛球同滑雪咁，總之全程都好健康。」
她還大爆自己的瘀事：「我乘搭登山欖拖，係冇遮冇掩，只係踩住塊圓板、攬住條繩上山，點知我抓住欖繩時失手被拖行咗十幾米，由於太滑稽，被班朋友取笑，但總算有驚無險。」Eunis說當地極有新年氣氛，初八那天更見到北京下第一場雪，感到十分興奮。除此之外她又品嘗不少美食，令她體重大增：「我肥到差啲連褲都着唔到，返到香港要努力做運動！」
