楊汀叮溝仔要似古天樂
楊汀叮二月七日踏入廿五歲，昨日特別舉行生日會，與fans齊慶祝。今次主題是「卡通人物」，汀叮以最愛的Care Bears打扮亮相，她表示正日生日在美國，前日才回港：「新年去咗美國同加拿大旅行十四日。（有冇艷遇？）被好多人撩，試過去行街，被黑人撩，不停讚我靚女，但我好驚，扮唔識聽。」
至於生日願望，汀叮謂：「希望工作上有新發展、新突破，想拍戲，要以Angelababy及熊黛林為目標。（感情生活呢？）都希望今年遇到個。（會否想似Baby同熊黛林的男友？）咁好大壓力，好難搵。」汀叮並列出揀偶條件，一定要對父母好及愛錫她的四頭愛犬，她說：「如果錫我啲狗，再加埋好似古天樂咁靚仔就好，我見過佢（古天樂），但當時唔敢望佢，驚被佢電親，依家諗番好後悔，下次再見面一定做主動，要求合照。」
