何倍倩有家教渣都唔剩
恒生銀行創辦人何善衡後人何乃斌太太何倍倩（Anina），熱愛工作之餘更善心爆棚，現為Zensation Beaute行政總裁的她，早前更出版美容書，並將收益撥捐智行基金會。她說：「我真係好鍾意做嘢，係性格問題，有時有美容發布會，我都會特登去八卦吓！」Anina更形容自己與一般打工仔無異：「有時忙起上嚟喺公司食三文治就算！」
Anina公司旗下代理不少的美容機器，當中超聲波「導入儀」銷情十分理想，問到Anina這個兔年最希望導出、導入甚麼？她說：「最想導出懶惰、導入多啲勤力！仲有多啲時間，等我可以陪個仔，因為唔想miss咗佢成長過程！佢讀緊playgroup，我見到佢開心，自己就開心，希望建立開心母子關係。」
除了重視寶貝仔及家庭和諧關係，Anina亦覺得良好家教亦好重要，她笑說：「細個時屋企食飯係連一粒飯都唔可以剩，飲湯就要飲晒，連渣都食埋，其實食埋渣都好，因為湯渣都好有營養！所以我老公真係唔會豆皮！」
Anina近日更榮升為美容blogger，寫blog分享美容心得：「有人問我嘢我都好開心回覆，我亦從其他人身上學到好多知識，係好好嘅互動分享。」
服裝：Dorian Ho Collection