莊思敏行埋4年冇晒火花
莊思敏（Jacquelin）與吳浩康（Deep）拍拖四年，經歷不少風浪，如今表現儼如老夫老妻，情人節雖沒有炮製特別節目，但Jacquelin表示只要兩人感情好就不會介意，而平時大家也會為對方互選禮物。
Jacquelin昨日為婚紗騷擔任模特兒，透露將會到橫店拍戲，逗留當地十日，她謂首次在大陸拍戲，身邊好友已叫她帶多些物品，以備不時之需。被問到情人節如何度過，她說：「情人節真係一個好日子，咁啱Deep公司春茗，佢唔可以陪我，依家睇吓下晝可唔可以有時間一齊過。」
候車各有各玩
Jacquelin透露今年是兩人第四個情人節，被問到那年最難忘，她說：「第一年，佢親自煮嘢畀我食，知我鍾意食心太軟，佢就學煮，點知買錯朱古力，食落去變咗苦，惟有當係一片苦心，自此之後佢冇再整。」至於有否預備禮物，Jacquelin說：「冇特別，平時送禮物，見到啱會同對方講，對方會買，咁就唔會浪費。（變咗冇火花？）冇所謂，大家感情好就得。」另外，Jacquelin與Deep日前雙雙到銅鑼灣行街shopping，但逛完一輪卻沒有收穫，之後乘扶手電梯離開，等車期間還不約而同拿出同樣套上紅色保護套的手機，各自把玩一番，直至女方的七人車駛到，才由司機接載離開。
姚子羚求桃花
藝人姚子羚亦有行騷，表示新春期間已開工，她開心地說：「第一日開工就同靚仔黃浩然拍咀戲，可能寓意有桃花。」又表示望能找到如意郎君：「我唔係眼角高，最重要唔花心。」問是否如陳豪這類型筍盤？她大讚對方說：「我好欣賞佢做到視帝都咁好人、冇架子，都想搵個好似佢咁好嘅人，但我唔係佢杯咖啡。」
採訪：名人組、追蹤組