劉璇緊張走音 光良攬腰呵番
馬來西亞歌手光良昨日舉行《apm百變潮兔「型」新歲×光良太天真簽唱會》，邀得師妹劉璇擔任嘉賓。兩人首度公開合唱新歌《愛上你就是唯一》，表現緊張的劉璇失準走音，令她尷尬得用手遮面，雖然光良主動拖她的手表支持，但她仍笑容僵硬，就算司儀問她：「係咪冇咁緊張喇？」她亦沒心情回答。其後兩人應邀攬住合照，光良大讚：「佢好好抱，運動員係唔同，佢有條黃蜂腰。」劉璇才笑得開懷。
合作拍「鹹」戲
劉璇受訪時坦言仍未平復緊張心情：「下次一定會唱得好啲，我對自己要求好高。」在旁的光良亦幫口說：「同佢拍MV時，佢不停口噏噏，好緊張。（首歌係咪唔啱key？）對女仔嚟講係難啲，大家都係第一次合作，佢自己唱係一回事，同人合唱又係另一個挑戰。」
據知，唱片公司有意打造兩人成情侶檔，劉璇大表贊成：「我已經愛上咗佢……嘅歌聲，如果男友成日喺我耳邊唱歌就好。」問到對男友有甚麼要求？劉璇即指光良已超越對男友歌聲的要求。而光良亦大爆劉璇講三級笑話：「佢頭先喺後台同我講，不如合作拍『鹹』戲，我仲諗乜佢咁直接同咁快，原來佢廣東話唔好，係話拍『喊』戲。」
文：音樂組