Amanda S.投資300萬cake入商界
模特兒Amanda S.今年將踏入人生另一階段，除結婚外，還會開設自己的蛋糕店。比起籌備婚禮，Amanda更緊張蛋糕店，婚禮全權由家人負責，她自己就主力打理投資過三百萬元的蛋糕店。
Amanda將於九月在意大利舉行婚禮，由於長輩希望有個盛大而熱鬧的婚禮，Amanda為滿足他們的願望，將一切聽從長輩說話，她說：「依家好大機會喺意大利搞兩次，再喺台灣搞一次，未婚夫嘅家人想搞得好大，我會聽佢哋話，由佢哋去搞，無論場地、布置、請帖、用乜花布置我都冇所謂，我覺得愛錫我嘅人在身邊祝福我哋已足夠，不過可能我太冇所謂，未婚夫都有小小詐型，成日叫我畀意見，所以有時我覺得自己似男人，唔會好婆媽。」
名師幫手
Amanda將婚禮事宜交由長輩處理，變相自己可專心打理蛋糕店，她說：「我放咗好多心機喺蛋糕店，依家樣樣都差唔多完成，只要店舖落實可以租就OK，我希望呢兩個月內可以開得成。」被問到投資是否過百萬？Amanda即說：「唔止，已過咗三百萬元，因為我用嘅設計來自瑞士好出名嘅設計師，而且整蛋糕嘅機器要最好，就算包裝、設計圖案全部搵名師。」
熱愛品茶
Amanda雖然鬼妹仔性格，但其實亦是傳統的中國女人，在農曆新年亦會應節品嘗不少煎炸食物，但為免太熱氣，她平時最愛品嘗「喫茶去」普洱茶，她說：「我其實好少飲咖啡，我鍾意飲茶，而呢隻茶好方便，係茶精，一沖即融，加上有豐富嘅茶多酚，可以抗氧化，未婚夫以前飲好多咖啡，依家受我影響，佢都轉咗飲茶。」
場地：香港公園樂茶軒 採訪：名人組