側田新郎不是我 灌醉唐素琪
鄧麗欣前師妹唐素琪（Sukie）前晚與拍拖六年的髮型師男友張思偉拉埋天窗，假陽明山莊筵開十四席，嘉賓不乏圈中好友，包括側田、小肥、方皓玟、朱紫嬈、港姐季軍莊思明及孖生家姐莊思華等，袁彌明擔任姊妹，婚宴一開始就播出新郎求婚的片段，除了新娘子感動流淚外，台下的嘉賓小肥及朱紫嬈都睇到眼濕濕。
婚宴期間，側田上台跟Sukie合唱一曲，唱完後他又不停大讚新娘：「第一次見Sukie覺得佢好cute，好細路女咁，但後來先知佢精於股票投資，又可愛又聰明，心諗邊個娶到佢真係執到寶。嗰時諗點解呢啲好嘢永遠無自己份呢？哈！」後來他惟有以當時自己都有女朋友來打圓場。
不設防生龍兒
婚宴完畢，一班年輕人趁長輩先行離去，即在同一場地開Party狂歡，側田、小肥夾手夾腳灌醉新娘，已喝到爛醉如泥的新郎自身難保，無力護妻。而剛榮升張太的Sukie昨日僅小休一天，今日就出發往北海道度蜜月，二人婚後不設防，希望可生個龍仔或龍女，Sukie回港後更會進軍兒歌界搵定奶粉錢。
文：專案組