楊梓瑤施壓恨收男友鑽戒

圈中不少情侶甜蜜度歲，Carol也不例外，除與圈外男友的家人拜年，又趁大時大節與家人攻打四方城。情人節將至，Carol直言期待男友為她製造驚喜，由於自己向來重視情人節，所以一早已準備好神秘禮物。

買定禮物等仔拆

一身性感打扮的Carol向本報讀者拜年，還寫大字賀歲，露出深長事業線。情人節將至，她透露會與男友浪漫一番，她說：「我好享受呢個節日，因為好浪漫，我同男友都感情穩定，佢平時好細心，相信佢會準備好多節目畀我，（想唔想收鑽石戒指？）都想o架，我覺得有男仔送戒指好幸福。我自己都已經買咗一份禮物，不過唔講得住，（待男友慢慢拆？）係呀，（着性感啲畀驚喜佢？）佢其實唔鍾意我咁性感，平時出街我好密實。」

放大圖片	Carol有嬌俏一面。	情人節將至，Carol期待男友安排驚喜節目慶祝。

至於今年銳意闖影壇的Carol，早前揚言希望轉型做打女，上圍豐滿的她被問到會否擔心負荷過重，她說：「梗係唔會啦，平時跑步都冇影響，依家已經跟師傅學武。」

見好收唔拍寫真

去年寫真集大賣的Carol，亦宣布今年「停戰」，專心拍戲和讀書，她說：「寫真集個尺度始終比較踩界，我又返緊學，自己都唔想再出寫真集。」不過剛巧她的「宿敵」周秀娜今年同樣不賣寫真，她說：「咁咪好囉，大家都見好就收，（追擊佢？）真係唔係，新年唔好講人哋啦，只係想趁後生試多啲唔同路線，才知自己之後嘅路點走。」

攝影：沈建程

服裝：Guess

文：專案組