李綺雯事業愛情兩得意
李綺雯（o靚妹）去年是非纏身，想不到兔年來臨即有好兆頭，工作、愛情運一齊來。她興奮地說：「依家最重要工作，年初一公司安排我做花車巡遊節目，對我嚟講係一個好開始。（依家有冇拍拖？）有，但對方係圈外人，唔想講太多。」她表示今年計劃推出一本小說，希望轉型做才女，她解釋：「我一直有寫blog，外間反應都幾好，其實原本打算2010年推出，但因為題材會環繞愛情，上年有太多花邊新聞，唔想有人對號入座，所以推延至今年先推出。」
o靚妹有份演出的新劇《Only You只有你》即將播映，劇中她飾演一位患有精神病、對愛情十分執着的女仔，她直言是一次很大挑戰，她說：「拍嘅時候情緒起伏好大，記得有一場戲我要推男友蔡淇浚落樓，嗰日天台幾大風，我衝埋去時都驚自己跣腳，好大心理壓力。」場地：新世紀廣場