無綫女藝人黎芷珊昨日出席商場活動，被問到有否向賭王姑丈何鴻燊拜年，她說：「其實我都好幾年冇去（同賭王）拜年，因為近年要返工，好難就時間，加上姑姐（賭王元配太太黎婉華）過身後，已經少咗來往，我同姓何啲仔女亦唔太熟，同黎家嘅熟啲。（點睇何家爭產事件？）因為工作關係，我都有留意，但我真係唔想評論，太遠水路（意指關係太疏遠），件事又唔太關我事，我唔想畀人覺得我好似想博乜咁！」
