李心潔與彭順昨日結婚周年紀念，身在新加坡演出舞台劇的心潔無暇慶祝，愛妻深切的彭順，專程飛到當地支持，認真唔話得，昨日阿順接受長途電話訪問，透露待太太完成舞台劇後，兩人便到馬來西亞度歲，預計逗留一段日子才回港。
問到他如何向太太製造驚喜，阿順笑謂：「都有啲，OK o架！咪就係送一個Trip畀佢，等佢自己揀地方，今次係二人世界，不過都未問佢想去邊，總之邊度都同佢去啦！」