朱璇感情未發市搵銀填空虛
○八年國際中華小姐冠軍朱璇去年成績不俗，首次拍電影《淚王子》即獲香港電影金像獎「最佳新人獎」提名，不過她謙稱仍有很大進步空間，故新一年希望有更多拍戲機會，讓她累積經驗。朱璇說：「拍多啲戲訓練多啲，再努力啲練好廣東話，等遇到好電影劇本時就唔會嘥。」
感情方面，來港發展兩年的朱璇還未「發市」拍拖。問到覺不覺寂寞而想盡快找個男朋友？她說：「唔會，我有好多朋友，就算恨拍拖都恨唔到啦！我只想多啲演出機會，香港樓價唔好咁貴，等我賺到錢都可以買樓。」屬兔的朱璇犯太歲，問到會否在家「擺陣」避霉運？朱璇笑言自己不迷信，相信人不會一世好運。
場地：彌敦酒店
服裝：GUESS