DaDa踩過界錢程似錦

o靚模DaDa與Liz於農曆新年穿上旗袍向各位拜年。雖然去年DaDa賺到盆滿缽滿，但她自稱未夠資格派利是，更期待返上海拜年收個滿堂紅。她說：「我係婆婆湊大，細個喺上海住咗兩、三年，同婆婆關係好好。我哋喺上海會放煙花，夜晚冇兩點幾都唔瞓，因為實在係太嘈。今年我都好想放假，好想同表妹表弟一齊玩。」

提到新一年大計，DaDa希望能作多方面嘗試，例如主持及拍戲，更希望進軍內地市場搵「人仔」，吸引更多宅男fans。

DaDa希望放假到上海探親。

現時單身的Liz坦言感孤單，希望盡快覓得新男友。

Liz恨拍拖

自認男仔頭的Liz坦言以往很少穿旗袍，她說：「新年唔會着旗袍，反而會着棉衲或者唐裝。我哋成家人會着同款唔同色嘅衫，走去親戚屋企拜年。」她的新年願望是家人身體健康、弟弟快投身社會及覓得如意郎君。Liz謂：「以前新年會去男朋友屋企拜年，依家單身，真係賺少好多！（會唔會派利是？）唔會，一定結咗婚先派。」

場地：東來順

服裝：中藝

文：名人組