蔡一傑生日連環啜人妻
草蜢成員蔡一傑與圈中好友共迎生日，先後被人妻袁詠儀（靚靚）及伍詠薇（伍姑娘）輪住咀，自認「心野」的伍姑娘更無懼老公練海棠呷醋，和壽星仔啜嘴三次。
自言「年年廿五歲」的傑仔昨日正日生日，前晚他以DJ身份到中環夜店打碟，並請得一班星級好友為他慶祝，包括張智霖及太太靚靚、伍姑娘及老公練海棠、兄嫂蔡一智兩公婆，還有陳敏之及阮兆祥等，眾星除為傑仔大唱生日歌外，又開香檳及切蛋糕，靚靚當住老公張智霖面前肉緊地錫了傑仔面頰一大啖，氹得傑仔笑逐顏開。
豪言玩3P
伍姑娘和老公練海棠未受之前的「偷食」緋聞影響感情，拍拖而至，只是沒刻意坐在一起晒恩愛闢謠。她大讚傑仔是男男女女的好情人，還當眾向傑仔示愛說：「我個心一早留咗一半畀佢，只係佢唔揀我，（你嫁咗人啦喎？）我個心好野o架。（但佢唔愛你喎？）我理得佢。」伍姑娘即向傑仔示愛，當眾錫傑仔的嘴三次之多，傑仔指伍姑娘是其「初戀情人」：「佢奪咗我螢幕初吻。」而豪放的伍姑娘回應說：「如果Kathy（周汶錡）嚟埋，就兩女共侍一夫。」
阿智夠精力
傑仔表示其生日願望是身體健康及工作順利，問他感情生活？他則稱以事業為重，又說早已視所有fans為老婆。至於生日禮物，傑仔即展示其過萬的新鞋，還收到鑽石耳環及很多祝福。
至於阿智被問到可有再添丁計劃？他說：「我有心有力，唔介意再生，睇個天。」問他可趕得及生兔仔？他哈哈笑：「咁今晚要返去造啦喎，不過我唔接受人工受孕，因為我仲『嘭嘭聲』。」
採訪：音樂組