一日假期 留畀曉明 Baby要男友唔揀父母
今個農曆新年只有年初一一天假期的Angelababy，寧願陪愛郎黃曉明甜蜜遊澳門放煙花度歲，都不到上海跟父母拜年，果真戀愛大過天！Baby昨日在活動上還透露很喜歡小朋友，將來會生很多個BB。
Angelababy昨日與丁子高（Real）齊齊為海港城舉行的「辛卯年金龍獻瑞及福星高照醒獅賀歲」擔任嘉賓，大會安排了財神爺「送贈」兩個真BB給Real，而Angelababy就幫手抱着其中一個，見她望住BB的表情十分興奮，盡顯母愛。其後Angelababy又開心地攬着財神爺拍照，Angelababy說：「我做咗呢個活動三年，三年都有攬財神爺，我聽過有人攬完財神爺之後會中咗六合彩。（係咪無錢收都接呢個Job？）冇錢都嚟做。」
計劃生好多BB
工作忙個不停的Angelababy表示今個農曆新年只有年初一一天假期，問到早前被發現與男友黃曉明甜蜜遊澳門放煙花度歲一事，她說：「得初一一日假，我唔講喇。（係咪好Sweet？）過年好開心。（得一日假都陪黃曉明唔陪屋企人？）爹哋媽咪喺上海，我冇時間返去，不過爹哋媽咪佢哋都好體諒。（公開戀情？）放過我啦，各位。」而Angelababy又透露自己很喜歡小朋友，她說：「我將來會生好多個小朋友，不過未Plan幾時生，順其自然啦。」
文：名人組