婷婷電話拜年 拉姑讚好乖

謝婷婷與男友安志杰過年拍拖,大哥霆鋒和大嫂張栢芝日前卻帶埋兩個囝囝到新加坡向媽咪狄波拉(拉姑)和鬍鬚Kong拜年,還乘機到環球片場遊玩,之後栢芝趕返無錫工作,引來粉絲在機場接機,場面熱鬧。

昨日記者致電拉姑,她說:「我剛剛從新加坡返港,之前霆鋒兩公婆帶埋兩個孫飛過嚟向我拜年,我好開心,我封咗大利是畀佢哋。(幾大封?)意頭嘢,唔講銀碼。」對於婷婷與男友拍拖沒有到新加坡,拉姑說:「佢哋去咗滑雪度假,出發前喺機場都有打電話向我拜年,好有我心,好乖。」

想跟阿叻一同切磋賽馬心得,立即登記參加「靈活至叻爭霸戰」啦!