陳庭欣跳出框框唔做花瓶
娛樂圈有不少「兔女郎」，除了應屆三位港姐陳庭欣、張秀文及莊思明外，連馬賽、鄭欣宜及模界的倪晨曦亦是兔年出生，可謂兔女當道！三位港姐及馬賽不約而同表示在新一年要自我增值，做個全能藝人。
不說不知，原來三位應屆港姐陳庭欣（Toby）、張秀文及莊思明（Lisa）同是兔年出生，難怪特別投緣，三人除了傾得埋之外，同樣希望在新一年多學多做，實行自我增值。
張秀文恨做打女
Toby笑言：「我想學多啲嘢傍身，所以依家同Lisa得閒就會去上堂學跳舞。」而本身有舞蹈底子的張秀文雖未有同行亦不甘示弱的說：「我要學唱歌！同埋依家都會學定泰拳等機會做『打女』！」至於師姐馬賽就希望跳出「港姐」的框框，當一個更成功的演員：「我舊年拍咗三套劇，希望觀眾可以認同我，同埋唔再只覺得我係一個『港姐』。」
兔女都似乎有個兔仔情意結，除了不約而同於小時候曾養過兔仔外，Toby笑言最愛Miffy，更透露家中有不少兔公仔！而莊思明就沾沾自喜透露：「我屋企有三個兔仔架！除咗我同孖生妹妹之外，我爸爸都係！人哋話一屋有多過兩個成員係同一生肖係好好意頭嘅事嚟架！」
馬賽寧要戲中情
三位應屆港姐中，除了Toby坦承拍拖外，莊思明及張秀文均未有承認蜜運，更笑言正在等待「桃花」。問到出道以來鮮有緋聞的馬賽可會「心郁郁」想拍拖？她就笑言：「暫時唔會啦，喺拍劇時拍拖當滋潤吓囉！」
服裝：Club Monaco
場地：Grand Central Bar & Grill
髮型：Hair@Festival Walk(Toby:Ason Sammi:Bonnie Lisa:Ryan)
文：影視組