溫拿開騷 阿倫晒腩
樂隊溫拿昨晚於紅館開騷，身為微博迷的校長譚詠麟不忘於演唱會前為樂迷直擊，上載赤裸上身焗桑拿及做Gym相說：「算係咁啦，熱到死仲全程直擊。」只見fit了很多的他仍有些少腩肉。
早前溫拿現身《煮角》電視節目，大廚Margaret特意挑選西遊記內記載，妖精為吃唐僧肉所煮的「冬瓜方蛋」，校長聽後即笑說：「冇聽過咩方蛋，方大同我就聽過。」演唱會開鑼，溫拿排練時對食百無禁忌，陳友說：「禁忌就係怕冇嘢食。」
阿B則說演唱會主題最緊要開心：「嚟睇我哋演唱會，開心完，成年都會順利，學阿倫話齋『保家宅，添丁發財』呀！」