自認傳統愛浪漫 嘉玲恨同偉仔度元宵
劉嘉玲在虎年密密拍，既在賀歲片《最強囍事》大放笑彈，又憑英皇電影《讓子彈飛》入圍角逐第五屆亞洲電影大獎「最佳女配角」，兔年伊始，嘉玲揚言要爭取休息，與喜歡的人共享佳節。
嘉玲對農曆新年能否與老公梁朝偉一起迎新歲，過年前她仍未能作實，因當時她未肯定偉仔能否放到假，她說：「佢部《一代宗師》仲未拍完，但我依家唔會再接好辛苦嘅嘢嚟做，因為我份人好傳統，好注重節日，大時大節好似過年、做冬、中秋咁，無論點忙，我都希望大家一齊過。（會唔會按傳統，同偉仔食湯圓？）我好尊重傳統習俗，所以點都會做番啲，最重要係團圓。」
玩猜燈謎有feel
嘉玲更開到口表示想與偉仔共度情人節，她說：「西方情人節固然浪漫，但我對正月十五元宵佳節都好有感覺，因為我鍾意玩猜燈謎，我本身又鍾意聽中國浪漫故事，例如牛郎織女咁。」
睇日落雨景難得
每個女仔都鍾意浪漫，嘉玲承認有時都要浪漫一下：「其實生活上好細微嘅事都可以好浪漫，對我哋嚟講，可以睇吓日落、睇吓雨景，有一份咁嘅心情都好難得，所以即使元宵呢類喜慶節日，我哋都會好珍惜。唔知係咪年紀大咗，好覺得生命短暫，更加要珍惜眼前人，爭取同自己鍾意嘅人一齊過，因為過得一日少一日。」
攝影：劉智源 場地：上林
髮型：Kenny @ Kim Robinson
布偶：日通動畫廊
文：影視組