囝囝討利是趙嘉懿當幫補
去年剛為人母的模特兒趙嘉懿（Carrie），今年新年對她來說別具意義，因為這是她第一年與BB共度佳節，她早已買定小袋子給囝囝作討利是之用，她笑言：「我每年都會預備五位數字派利是，今年終於可以由囝囝討利是補番數！不過我唔會用囝囝嘅利是錢，我會幫佢儲起。由佢出世起，我就幫佢開咗個銀行戶口，佢依家已經有五位數嘅儲蓄，係一個富有嘅BB。我仲幫佢買基金同保險添！不過，你哋（指記者）唔好話佢知，費事畀佢知道自己咁有錢。」
除了利是袋，Carrie還買了棉襖送給囝囝，將他打扮得喜氣洋洋。問她新年可會外遊？Carrie認為新年是一家團圓的日子，原來Carrie的父親是昨日大年初一花車巡遊的統籌，她會舉家到場為對方打氣，故不會外出旅遊。
