Mikki箏氣事業愛情起飛
名模姚予晴（Mikki）、戴小奕、張舒雅（Edelweiss）、曾咏（Winnie）、王麗娜（Lina）、顧婭棋（Masha），於新年相約一同放風箏，期望於新的一年事業、愛情都「起飛」。她們都明白成功非僥倖，要不斷學習，好好裝備自己。但努力鞭策自己之餘，亦不會給自己太大壓力，要好好享受生活。
一行六模早前相約放風箏，期間更高呼：「事業、愛情都要『起飛』！」但Mikki竟表示：「其實我只想生活無憂，努力工作，有機會就爭取。但唔會同人爭，有機會就會把握。」
願望天天要開心
其實她最大的心願，就是每天都開開心心。她指生活於香港壓力很大，必須學會放鬆，不要鑽牛角尖：「我覺得事業係要靠自己努力，同埋要有機會，感情更隨緣，所以唔強求『起飛』。」她笑言開心看似簡單，但實際上很遙遠。「有時同男友嗌交會唔開心，做嘢又會唔開心。做人要平常心對待，人生有如意有不如意。兩個月前，朋友因患咗情緒病而變得好消極，甚至有自殺傾向，見到佢咁，明白開心先最重要。」
婚前需充足了解
Edelweiss亦表示已漸漸熟習公司的運作，新一年除了模特兒工作外，亦希望作多方面嘗試：「平時做嘢都會盡力做到最好，等其他人都感受到我嘅熱誠。今年都希望作多方面嘗試，但唔得都唔會失望。」至於問到她會否於今年與男友拉埋天窗？她斬釘截鐵地回應：「一定唔會。男友無講過結婚，佢亦唔係一個會畀驚喜嘅人。拍咗三年幾拖，要了解多啲先考慮結婚。」
張舒雅化妝：Katherine Tsang
姚予晴、戴小奕、曾咏髮型：Keith @ P.O.P Hairdressing
張舒雅、王麗娜髮型：Louis @ P.O.P Hairdressing