基仔伊健兄弟檔拍劇還債

基仔跟伊健在開年飯宴上舉杯暢飲，兩人話說當年，伊健比基仔早出道，雖然兩人並非經常聯絡，但每次見面總有兄弟感覺，基仔笑說：「咁多年佢都仲係我大佬。」伊健則笑說：「我冇做大佬好耐。」

兩人同是無綫藝員訓練班出身，至今仍欠無綫劇債，基仔尚欠無綫一個劇，伊健笑說：「我之前拍嘢扣咗三集，剩番十七集，你慘啲。」兩人一言一語笑說：「你拍我咪拍囉。」伊健提議無綫翻拍劇《富貴榮華》，基仔和應贊成說：「好，搵埋當年《笑看風雲》嘅鄭少秋、許紹雄一齊做四兄弟囉。」伊健笑言可作為無綫賣盤頭炮重頭劇。

着重節日陪家人

下月將舉行演唱會的伊健新年也不敢太放肆吃喝玩樂，由不愛新年到變得重視的他，新年一定會抽空陪伴家人，他笑說：「以前唔鍾意派利是，覺得未結婚仲乜要派？但畀電影人工作人員鬧，後來先明白派利是係代表有能力先做，咁代表好事，等大家都開心吓。」

伊健與基仔相識十幾年情同手足，十分老友。 （場地：車氏粵菜軒）

二人齊齊食開年飯，細說當年往事。

抱姪仔激發父愛

去年勁賺人仔的基仔坦言每年都重手派開工利是，以慰勞幫他的工作人員，他說：「我唔吝嗇，（緋聞助手女友Lorraine係咪最重手？）都重。」父母更加有超級大利是。

基仔透露胞弟有一子一女，他笑說：「我姪仔歲幾大，好可愛，抱住佢好似抱自己咁，佢識得叫我伯伯，（你好恨？）恨架。」但他明白生兒育女是極大責任，要考慮清楚。

文：音樂組 攝：司徒國榮

on 基仔

Make up：Hubei Har（Ateller't AR）

Hair：Make Ip＠Hair

on 伊健

Make up：Will Wong

Hair：John Chung＠Barbieri Privata