阿嬌帶病唱Live嚇人

鍾欣桐（阿嬌）、林欣彤（Mag）、鄭欣宜及王祖藍等前晚錄影《勁歌金曲》，正在生病的阿嬌獻唱冠軍歌曲《放低過去》時，最終要咪嘴上陣。事後阿嬌大方的坦誠咪嘴：「我仲病緊呀，之前綵排時都試過唱Live，但真係唱到好似『o靚坤』咁。」此外，同場的欣宜及祖藍都雙雙「發台瘟」，NG更高達四次之多，令欣宜不禁在台上哭了出來，她表示：「我真係好激動，唱咗好多次都唱唔到，好忟自己，又驚年卅晚阻人收工。」同樣NG四次的祖藍就笑言自己是李治廷的替身：「佢今日唔得閒，所以我同Mag合唱《I Love HK》，不過我唱唔慣Rap，對住鏡頭好緊張。」