文詠珊tube dress晒骨感

每個藝人都希望向別人展示自己的優點，同時亦會盡力改善自己的缺點。即使在別人眼中是完美的人，他們亦會對自己有不滿意的地方，要求甚高。

最滿意自己鎖骨，自己好鍾意骨感，而且對影相好有幫助。所以我都好鍾意着騷到鎖骨嘅衫，例如tube dress，而最希望改善嘅地方係pat pat。雖然都好多人讚我個pat pat好睇，但係我自己就覺得佢太大，如果可以瘦多少少就好啦。

最滿意係眼睫毛，因為天生已經好長，唔使黐假眼睫毛都好長。最唔鍾意係自己pat pat到大髀嗰個位。因為以前係肥妹仔，成一百二十幾磅、二十八吋腰！後來地獄式減肥，雖然成功，但就留低咗橙皮紋。

最鍾意對眼，因為好多人都讚我對眼又大又靚，其實我全家人對眼都好大。而最想改善嘅係身高，好羨慕高嘅人有對長腿，真係好靚。我嘅理想身高係175cm。（太高難搵男友？）咁都係唔好咁高啦。

最滿意個嘴，因為好有肉，好似好友善咁，初入行嗰陣，做阿Sam（許冠傑）演唱會嘉賓，佢錫咗我一啖，之後同記者講我個嘴好錫。而最想改善嘅地方係右邊耳仔，我嘅耳形本來好圓，但以前喺耳骨度釘耳窿，後來發咗炎。嗰時唔識處理，搞到依家好番個耳形都唔同咗，真係好後悔。

喺五官裏面，對個嘴最有信心。近期都好流行搽鮮紅色嘅唇膏，所以我都好鍾意呢個造型。而最想改善嘅係肌肉形嘅線條，所以會做運動。依家隔日會去跑步，同埋成日跳舞，咁樣全身都可以郁到，令啲肉firm啲。

最鍾意對眼，因為又圓又大，夠精靈！而最唔滿意自己嘅高度，因為唔夠高。我會做多啲運動同提腿，等對腳睇起嚟纖細啲，同埋會着高踭鞋，依家已經練到着住嚟跑都冇問題啦！

最滿意自己個嘴，因為覺得個形靚，而且唔大唔細，啱啱好。（阿Deep有冇讚過？）又冇講過喎。而最唔滿意係個鼻，因為鼻翼較闊。（有冇諗住整容？）之前問過，不過好似好難做，而且怕改完之後唔襯個樣，所以都係算啦。

鍾意自己整體嘅配合，骨肉勻稱。冇乜特別話鍾意自己邊個部位。而最想改善嘅係皮膚，因為成日都敏感，尤其係頸同手！成日都會因為環境又或者着衫而敏感，有時會出一點點。

最滿意自己對眼，因為夠圓又夠大，好多人都讚靚。至於最唔滿意嘅係身高，想高多三吋。細個對自己樣樣都不滿，但大個就覺得自己各方面都好平均。

最滿意嘅係對腳，因為喺我肥咗嘅時候，對腳係最遲肥嘅，所以最鍾意。而最唔滿意係塊面，因上鏡圓碌碌。好多人見到我真人嘅時候都會同我講：「原來你真人咁瘦架！」