陳嘉寶嚴守校規冇有怕
為人父母者都希望子女入讀名校，o靚模陳嘉寶（Anjaylia）也是名校出身，就讀於迦密主恩中學的她會考取得18分，打破「o靚模」予人「讀唔成書」的觀感。Anjaylia直言校規甚嚴：「學校每朝都有風紀排開兩行，檢查有冇染髮同校服裙有冇過短，但我冇有怕，因為我條裙永遠係最長嗰個！」
Anjaylia自言在學校是文靜型學生，不過熱愛參與校內學會及遊學團：「中六嗰時我做過一年中文學會主席，經常喺唔同班搞問答比賽，啲同學仔都好踴躍參加。可惜學會喺第二年就畀學校取消咗。」她表示最難忘是中三時參加學校舉辦的遊學團，獨自遠赴澳洲交流18日：「當時係我咁大個女第一次離開屋企人咁耐，屋企人都擔心，但佢哋都希望我出去見識吓。喺澳洲十幾日識咗好多新朋友，好開心。」
最怕數學科
每個人都有最討厭的科目，Anjaylia坦言讀中學時最怕數學科：「一見到數字就驚，好彩學校老師係基督徒，全部都好熱心，落堂後會幫我補課，雖然到大個都唔係太鍾意數學，亦唔會忘記當年老師付出嘅心機。」
迦密主恩中學
位於將軍澳寶琳邨，由基督教興學會於1987年成立，屬區內唯一英文津貼基督教名校。學校曾於多次學界比賽如朗誦、籃球比賽中獲獎，屬首屈一指中學學府。中一入學操行需最少達B級，更需考慮學業成績、包括課外活動及面試，圈內明星如古天樂亦曾於該校就讀。