九展開騷 撞山下智久 韓庚想踩場偷師
Super Junior的前中國籍成員韓庚與日本尊尼偶像山下智久同樣會於今日假九展開騷，韓庚昨日現身簽名會時，表示不知情亦不介意，有機會亦想入場睇騷。
韓庚昨日在荃灣為新書辦簽名會，吸引500粉絲撐場，他甫出場即用廣東話作自我介紹：「大家好，我係韓庚！」於單飛後在歌影發展順利的他，表示希望演殺手，又不介意剃頭及肥仔角色，而望合作的港星是張學友跟梁朝偉。
祖兒太忙難相聚
韓庚過往拍劇認識容祖兒，被問到是次來港會否相約會面，他謂：「我都有問佢嚟唔嚟粉絲聚會，但佢真係好忙，連食飯都冇機會。」而今日他將在九展舉行粉絲聚會，恰巧山下智久亦於同一場地開騷，他表示：「不知道（指同場開騷），但都冇所謂，有時間都想去睇，去學習一下別人的舞台。」
山下智久在港的一連四場演唱會已於昨午展開，老友房祖名亦有現身支持晚上舉行的一場。而是次巡迴個唱的場刊、肖像扇與T恤等演唱會精品亦在香港首站正式曝光。
文：外娛組