GiGi男友拜年要度期
梁詠琪（GiGi）、鄧紫棋（G.E.M.）、官恩娜等昨日為賀年節目《保良福兔喜迎春》錄影，正忙於為個唱綵排的GiGi，透露已準備了六位數字封利是，當中個別勤力員工將會獲得五位數字的利是，認真和味。
與美國駐港領事Matthew拍拖沒多久的她，被問到新年會否到對方家拜年，一臉甜絲絲的她謂：「唔會，因為佢個家唔喺香港，（咁佢會唔會嚟你屋企拜年？）佢都入鄉隨俗，度緊期啦！屋企係歡迎所有朋友嚟嘅。」GiGi更指完成個唱後，想與公司同事到熱帶地方旅行，暫未計劃與男友過二人世界。
而同樣蜜運中的G.E.M.，表示新年將到內地工作，問到會否到男友林宥嘉台灣家拜年，G.E.M.不斷笑住迴避，又謂新年想留給家人，問到林宥嘉是不是家人，G.E.M.謂：「佢第二個姓，我從來冇講過係咩狀態，依家醉心工作，（情人節呢？）去睇Janet Jackson，（感情生活如何？）公司唔畀我分享。」