周柏豪無心無力娶多個
賭王何鴻燊的爭產風波愈鬧愈大，與三房女兒何超雲和何超蓮分外稔熟的周柏豪就謂不會過問人家的家事，但就不敢倣效娶多位太座，笑言自己沒有能力！昨日他出席頒獎禮活動時，被問到有否留意超蓮於微博上的「妖魔鬼怪」論？他說：「我同全香港市民一樣關心，但我覺得唔應該問人哋嘅家事，所以我不予置評，但已經發咗訊息畀佢哋，佢哋都有回覆，就係話唔使擔心，同埋唔好意思麻煩到身邊人。」
問到柏豪是否被嚇怕不敢多娶妻？他笑說：「第一我唔會，第二我亦冇咁嘅能力，同埋我冇時間，未來五十年都會好忙，（冇邊方面能力？）所有能力都冇，但我會似我老竇咁專一。」
至於周秀娜表示很想念陽光與海灘，因此農曆新年會飛到泰國避寒：「會同男朋友兩個人去，香港凍咗好耐喇，所以要解放吓，（解放到咩程度？）都係比堅尼，其實我年年過年都會買紅色衣物，希望今年都買到紅色泳衣啦。」她又謂今年過年會預備五位數字派利是。