鄧兆尊佩服賭王意決難阻
何家爭產事件令人想起當年哄動一時的鄧家爭產案，主角之一的鄧兆尊坦言近日身邊不少友人「舊事重提」，但他大讚賭王何鴻燊心水清，其決定相信無人能阻擾。
當年兆尊聯袂幾兄弟姐妹與母親對簿公堂，縱然雙方如今已經冰釋前嫌，但隨着何家爭產，鄧家爭產一事再被翻舊帳，加上當年「新馬」鄧永祥曾擁澳門娛樂約1/66的股份（當時時值約億餘港幣），其後賭王收歸家族名下，何、鄧兩家關係可圈可點。記者致電兆尊，他也坦承與二、三、四房關係不錯，與何超儀等十分相熟，很難就事件作出任何評論，但他不禁謂：「話得係賭王，王者就有佢自己嘅想法，呢啲嘢無人能阻，雖然年紀大，但仍然心水清。」
翻舊帳冇所謂
近日不少友人打趣向他查詢對何家事件的看法，兆尊大方笑謂：「冇勾起任何嘅回憶，人要進步、要接受新挑戰，媽咪同我都接受緊，佢用以前我老竇嗰套對我，就係軟皮蛇嘞，一家人冇嘢解決唔到嘅。」
子聰封嘴豎指
此外，超儀老公陳子聰前晚現身活動時，飲下三、四杯烈酒後在布景板上寫出超儀日前於Facebook上載組合LMF的MV《揸緊中指》歌名，更在拍照時擺出「揸緊中指」手勢。對此，兆尊則表示：「我冇聽過隻歌，亦唔識陳子聰，你睇我哋兩個身形就知啦。」而問到陳子聰為何「揸緊中指」？他說：「No Comments（冇意見），你哋去睇番首歌啦，我係LMF嘅fans。」
文：影視組