新抱頻頻行善 拉姑：個天畀機會佢
栢芝在內蒙救人事件傳到其奶奶拉姑耳中，對於這個新抱，她讚口不絕說：「我個新抱心地一直都好好，好熱心做善事，佢可以救人一命，係個天畀機會佢，天意自有主宰，佢同霆鋒都係咁嘅人，唔係點會成為夫婦？栢芝做善事有人睇到，霆鋒成日都做善事，不過唔係成日有人知，但個天係好公平嘅，佢兩公婆咁好，所以至會有兩個咁好嘅囝囝。」拉姑認為栢芝能成謝家婦，也是上天早作安排。
謝賢聽到栢芝救人消息最初表現得不以為然，只輕描淡寫說：「我個新抱不嬲都咁好，唔使我讚出口，平時做嘅事，你哋都知啦，仲要我講出口？如果佢唔好，我點會畀佢入我謝家？好事係唔使我自己讚出口嘅。」四哥雖然話唔使佢讚出口，原來佢有留意新抱行善動向，知栢芝雖然人在內蒙，也要經理人代表她到台灣出席因癌病離世的Dora告別儀式。
