張可頤爆祥仔貪靚吔蕉減肥
張可頤接替佘詩曼演出無綫劇集《法證先鋒III》，她與黎耀祥昨在商場拍外景，可頤與貴為「視帝」的祥仔合作也要沾他的旺氣！她還大爆祥仔為減肥冇啖好食，只食一隻蕉。
由於劇情指祥仔與太太胡定欣有感情問題，女兒不開心，做爸爸的祥仔去商場買玩具氹女兒，他與可頤可有感情發展？祥仔則大賣關子。
為減肥辛苦過女星
返無綫拍劇的可頤，與「視帝」黎耀祥合作，原來他倆十多年前已曾在劇集《香港人在廣州》中合作過，不同的是，今次再合作祥仔已貴為「視帝」，身價暴升，可頤笑說：「返嚟沾吓祥仔啲運氣都好。（隔咁多年後再合作覺得點？）依然咁開心、依然咁後生，佢都係咁好戲！不過，我今次返嚟祥仔唔同我食飯，佢話自己要減肥，我見佢只係食隻蕉同飲一碗湯，辛苦過啲女星呀！」
唔識老闆識「殼王」
同場的祥仔節食瘦身見成績，問他可練得六舊腹肌？祥仔說：「未有呀，有就畀你哋睇啦。（依家都唔肥。）我拍《義海豪情》時足足瘦咗十磅，但我係好容易肥嘅人，所以要keep住囉。」
此外，無綫易主，可頤並不認識新老闆陳國強，不過她對陳的別號「殼王」卻略有所聞，才知道是誰：「其實呢啲行政、管理層對我部頭合約演員冇影響，股東變動，我對公司將來都有信心嘅。」
文：影視組