肥媽歌癮起四代同堂開騷
樂壇前輩瑪利亞（肥媽）、劉鳳屏與蘇珊日前接受本報訪問，表示將於2月25日在紅館舉行演唱會，是次演唱會主角除她們三人外還有身在外地登台的黑妹李麗霞，以及表演嘉賓李蘢怡和亞洲星光大道的新人。肥媽說：「今次係四代歌手同台，四代同堂，所以適合任何年齡嘅人睇。張耀榮仲特別為我哋打造廿幾面金牌，讓我哋送畀觀眾。」
她們坦言今次不為名氣，也不是等錢開飯，只是為了止唱歌癮。而服裝方面，肥媽說：「唔會事先準備，大家鍾意咩色就咩色，撞色先正！（會唔會性感？）劉鳳屏係第一代騷事業線嘅！直情可以唔戴bra，人未到胸先到！」
此外，問到肥媽近年榮升娛樂集團CEO的心情，她說：「當年好窮，有一個人畀機會我，令我成功，我依家畀機會人。但唔會收徒弟，因為當年試過用三百萬英鎊投資一個女仔去外國發展，我仲養埋佢屋企人，點知佢為咗溝仔，唔聽電話，消失咗，真係好hurt我。」而蘇珊表示她最近忙於為一個善終慈善組織做事，演唱會中亦會唱該組織的主題新歌。