羅仲謙出浴裸嚟蝕
羅仲謙、王浩信一班《飛虎》男演員昨拍攝淋浴戲鬥騷胸肌，謙仔笑言身邊全是大隻佬，令自己頓變渺小；而苟芸慧前晚為該劇拍外景，因頭撼電話亭搞到假戲真做，流出真眼淚。
一班《飛虎》男丁羅仲謙、王浩信、李嘉等昨日參與一場淋浴戲，眾人赤膊上身，下身只包着毛巾，羅仲謙笑言拍攝前感到壓力：「以前身邊冇咁多大隻佬，依家拼落去覺得自己好細粒……冇晒啲廣告喇！唔夠食！」王浩信則自言為此劇瘦了五磅：「依家我淨係食雞柳同蛋白，同我隻狗一齊食！希望身材再好啲，令觀眾睇起嚟覺得我哋似飛虎隊嘛！」
論身材，擁有43吋胸肌的李嘉就最突出，他表示沒有做gym，反而玩瑜伽及練功夫，他前日一場與敖嘉年對手戲搞到周身瘀傷：「套劇入面我哋係朋友，成日互相切磋，我哋又親身上陣，NG多幾次咪傷晒囉！」
苟芸慧撼頭標淚
另外，馬德鐘與苟芸慧前晚在九龍城一電話亭拍外景，劇情講苟芸慧失戀借酒消愁，醉後情緒失控，擁着馬德鐘嚎哭。兩人在電話亭內相擁個多小時，苟芸慧滴乾了半支眼藥水，哭到激動時，後腦撞到電話亭，痛到淚花四濺兼扁嘴，被馬德鐘笑她終於流出真眼淚。苟芸慧自覺演戲資歷淺，演嚎哭與醉酒都是第一次，多得馬德鐘帶她入戲，眼淚口水就當是與他首次合作的見面禮。對於TVB有新股東入主，馬德鐘與苟芸慧都想法一致，就是要演好自己的戲，兩人相信新股東入主不會有大轉變。
文：影視組