志偉辦妥喪事心情OK
曾志偉於台灣完成父親曾啟榮喪禮後，昨日首度接受記者及電台節目《巴巴閉邊個夠我查篤撐》訪問，問到志偉現時心情？他說：「OK，唔係大家想像中咁大問題，爸爸走得好好。」志偉感激星空法師為爸爸安放靈位於台灣松山寺，他說：「原本係有諗過帶返香港，但台灣親人比較多。」他表示會於2月26日在港為爸爸舉行惜別會，屆時女兒曾寶儀及兒子們亦會到港。
提到好友陳國強收購TVB，志偉說：「佢唔係初哥，以前係PAY TV股東，對娛樂事務都好關心，唔係單單一個利益投資者（之前通知你？）喺新聞播出15分鐘前有打畀我，有畀意見但冇興趣參與行政，佢同方小姐（方逸華）係老拍檔，入嚟應該唔會有太大變動，而且佢好尊重方小姐，相信係咁先咁快傾掂。」