側田最後一騷淚別香港

側田前晚於紅館舉行一連兩場《側田Justin Around The World Tour2011演唱會》，吸引好友古巨基、丁子高與太太楊千嬅、小肥到場支持，並請來組合24味、尹光及樂壇生力軍C AllStar擔住嘉賓，出場時側田大晒光頭於台中打坐10分鐘，及後以威吔「加冕」發光紳士帽，為個唱展開序幕。

唱出林苑一段情

向來感情生活豐富的側田說：「作為唱作偶像派好矛盾，要有好歌感情要豐富，但偶像感情又會畀人話風流，但我唔理喇，以音樂講心事，今晚我要用歌曲將我嘅戀愛史同大家分享。」側田大方憶述3段情史，包括暗示在初出道時與緋聞女友林苑一段情，他說：「入行時識咗個女仔，當時大家都受關注，呢段感情嘅TIMING唔啱，呢首歌我想講同佢嘅總結，你哋估到邊個啦。」隨即唱出《SHE'S OUT OF MY LIFE》。

看着傷感落淚的側田，雷頌德（右）亦感難過。

側田風騷扮米高積遜大玩自摸。

等娶韓國女朋友

最近與韓籍女友打得火熱的側田除以情歌《STILL IN LOVE》形容現時感情生活，在安哥時大發冧功唱出新歌《Saranghae》，並發表愛的宣言說：「好遺憾佢今日唔喺度，最近搵到一個令我唔想再出去玩嘅人，想照顧佢，我改變咗好多，以前朋友話我搵到The one就會，我話No Way，永遠唔會結婚，出面咁多女，估唔到中咗，佢令我想成家立室，34歲都應該。」

側田晒光頭打坐，十足一休僧。	古巨基	楊千嬅、丁子高和古巨基齊來捧場。

Mark：唔知得罪咗咩人

側田感性向相識8年視對方為「伯樂恩人」的Mark致謝，兩人於台上相擁而泣，Mark說：「你決定走我有喊，唔捨得之外亦唔明點解，好多人對你好Mind，好難先搵到一個側田，有啲人唔識貨，我唔知你得罪咗咩人，好開心你有勇氣做呢件事。」側田對Mark承諾不會放棄香港樂壇，又感謝唱片公司金牌5年來的支持，更多謝新老闆龐維仁給予機會到北京發展。

採訪：音樂組