被嘲千億女婿 周柏豪：個朵幾好
周柏豪昨日現身電台接受訪問，由於先後與賭王三太陳婉珍兩位女兒何超雲及何超蓮傳出緋聞，故被冠名「未來千億女婿」，他對此說：「一直都畀人笑，個朵幾好，但唔啱我。（慰問佢哋？）有sms，阿妹（超蓮）人好好，仲擔心騷擾到身邊朋友，搞到我唔關事都拉埋落水。」柏豪透露未有過問爭產事件，亦不對好友家事作評論。
自言由細到大靠自己的柏豪坦言事件令他開始感困擾：「次次出嚟都畀人問，唔關事都變關事，同埋好悶。（搵個真女友囉？）好提議，但順其自然啦，尋日連親戚都問我，媽咪話如果我唔係佢個仔，單睇報道都覺得我同佢哋有關。」柏豪又再次澄清只見過超雲3次，而見超蓮面則較多。他又透露前日婆婆因扭傷入院。
