阿倫戥賭王慘：錢威力好大
溫拿樂隊前日為亞視一節目進行錄影，五虎對於近日何鴻燊家產案，認為一家人最緊要和氣團結，更異口同聲表示「錢威力好大」，譚詠麟亦不諱言戥賭王慘。
溫拿前日聯同鮑起靜於錄音室為一亞視節目進行拍攝，作為節目主持的鮑起靜更帶同滋潤湯水親自探班。
被問到對近日「賭王」何鴻燊家產案有何意見時，五虎異口同聲說：「錢威力好大，其實做人應該及時行樂，夠飲夠食就可以，愈多錢負擔就愈大。」
一家人冇計較
譚詠麟（阿倫）更坦言覺得何鴻燊這位老人家十分辛苦：「佢有自己嘅諗法，佢識得點處理，真係我哋嘅偶像！」而鍾鎮濤則說：「其實一家人最緊要就係一團和氣！好似我哋溫拿咁咪一家人囉！冇計較！」
另外，陳國強已成功入股無綫，被問到溫拿會否重見天日？彭健新說：「做人係要守規矩，如果唔係點會做甘草呀？」而作為陳國強好友的阿倫表示，事前對他會入股不知情：「我真係唔知架，知就買定股票啦。佢話忍住唔講忍得好辛苦喎，不過我知道咗都有打畀佢祝賀佢。」
望與四大破冰
無綫出現新景象，問到阿倫是否有信心無綫與「四大」唱片公司破冰？阿倫說：「其實如果再係咁落去只會三輸，一係家庭觀眾冇嘢睇；二係歌手冇得宣傳；三係公司會蝕晒啲藝人，破到冰收視都會唔同晒啦！」
文：影視組