G.E.M.見花膠乾鮑鬧笑話
鄧紫棋（G.E.M.）計劃農曆新年回鄉度歲，首次跑到海味店學辦年貨，眼見花膠和鮑魚高檔貨要幾十萬交易，嚇得辦年貨唔知價的G.E.M.大開眼界。
G.E.M.忙完手頭宣傳工作，便可以收拾心情與家人開心迎新年，她打算與家人趁幾天假期返上海向婆婆拜年。早前G.E.M.專程去買參茸海味給家人和婆婆準備過年食品，她坦言咁大個女都是第一次去海味舖買嘢，問她沒有陪媽咪辦年貨？她說：「冇呀，因為媽咪都唔使買，入貨係阿爸負責嘅。」因父親是家中大廚，團年飯都是父親入廚炮製。被嘲是「地獄廚神」的G.E.M.說：「因為我哋鄧家嘅女仔都唔使入廚嘅，我入廚房攞嘢食就有嘅。」
「仲會唔會郁」
G.E.M.對海味店內的賀年美食大感興趣，看到飾櫃內兩個圓柱狀的物體價值56萬元，當得知是名貴花膠時，G.E.M.拿着搞笑道：「我覺得好似水壺呀，上面開兩個窿放支飲管咪得囉！」隨即被取笑拍拖後，想的東西都預埋緋聞男友林宥嘉？她甜笑辯稱：「係每邊兩支飲管，即係四支啱啱係我一家人咋。」見識完名貴花膠，她又捧着四頭乾鮑魚細看，還問老闆娘：「仲會唔會郁o架。」引得各人哄堂大笑。
提早食團年飯
近期G.E.M.不斷穿梭內地為唱片宣傳，團年飯也要提前年廿九吃：「因為年三十要返廣州演出春晚，惟有提前一日同屋企人食。媽咪就返咗上海陪外公外婆過節，所以，今年團年飯就唔齊人。」
文：高美 攝影：黎志輝 場地：九龍城好東西