陳偉霆直指阿Sa非心目中女神
陳偉霆（William）現正籌備新碟，其中一首新歌以「女神」為主題，不過他揚言「心目中的女神」，並非打得火熱的女友蔡卓妍（阿Sa），而是一位黑人模特兒，William解釋：「因為現實同幻想係有段距離o架嘛！」
William農曆新年後，將往內地拍戲，並逗留數月，現趁有空檔，即埋首構思新歌，William話：「我會同莊冬昕（音樂人）合作一首歌，係講我嘅女神嘅。」為配合主題，他欲向唱片公司提議，物色其「心目中的女神」擔任MV女郎，及出席所有宣傳活動，由於花費不少，故未知可獲公司批准否。
問William「心目中的女神」的模樣？William說：「係身材高挑嘅模特兒，我理想係黑人，咁先夠型，其實好多外國MV，都會請黑人模特兒擔任女主角。」問他為何不是女友阿Sa？William直言：「佢係我現實生活中嘅女友，女神係幻想嘅嘢，同現實一定唔同，同埋搵女友一齊做嘢，感覺好奇怪囉！」
朝填詞方向發展
另外，William欲向填詞方面發展，他說雖然他作的詞不能和大師級的填詞人相比，但過往的作品也贏得不少好評，其中他最新填詞作品，亦是送給女友阿Sa的新歌《愛你太快樂》，便是近期的代表作，他指：「自己寫自己嘅感受最真摯，我對作詞好有信心，因為過往嘅作品，公司一次都冇退過貨。」
文：音樂組
場地：黃埔新天地