古天樂豁出去盡情乸
古天樂於新片《最強囍事》演一名娘娘腔化妝師，為求演得神似，拍攝前特別於網上找資料，又模仿該類人走路及小動作，笑指了解後便發現他們除了化妝手勢輕之餘，就連行步路也輕盈過人，不過屬「男子漢」的古仔，對於要短暫「變性」坦言初時未習慣，幸而導演要求的是喜劇效果，他才豁出去演得誇張點。
沒有半點化妝經驗的他，亦專程找老師上堂，古仔謂：「要學手勢，因為佢哋手法好柔，自己本身連點掃面都唔識，拍檔張栢芝有時都會即場教吓我。」栢芝曾帶囝囝Lucas到片場，古仔大讚對方乖巧，問到有否擔心拍攝親熱戲時令Lucas不快，古仔笑謂：「都冇親熱戲，都係攬吓啫！」