鍾舒漫搏命搵銀還樓債
鍾舒漫（Sherman）最近「升呢」做業主，不過因供樓負擔大，不得不開源節流，除要向公司抓撈增加收入外，就算出埠度假也要施妙計減低成本，實行「慳得一蚊得一蚊」。
Sherman入行三年多，去年終於賺到第一桶金，可以置業一嘗做業主滋味，雖然她的新居非豪宅，但市值約數百萬元，故獨力供樓的她頗有經濟壓力，Sherman不諱言：「因為要供樓，所以平時要慳啲，仲要努力啲搵錢。」
犧牲假期
她透露本計劃於農曆新年放假出埠旅行，首選度假地是又平又好玩的泰國，可是得知公司為她接了新加坡騷時，便索性轉移到星洲玩幾日，她說：「為咗慳幾千蚊，我取消泰國之旅，打算喺新加坡做完騷後，自己留低玩幾日，咁就可以慳番機票錢。」Sherman以往不會接新年騷，可是今次酬勞太吸引，加上她的確「等錢使」，故不得不忍痛犧牲假期，她又說：「依家都有幾日玩，個心會開心啲囉。」
主動抓撈
除旅行要精打細算外，她稱過去多年不會太緊張工作表，但現在她「唔食都要供樓」，故她每逢看見工作表「空洞洞」時，也會主動開口問經理人可否幫她多接商演騷。問她後悔買樓？Sherman表示絕不後悔，因一直希望可以改善生活質素，況且她覺得租樓不划算，既然現時年輕有經濟能力，買樓是最有回報的投資。
採訪：音樂組 場地：黃埔新天地