倪晨曦返加探親吃喝玩樂
江若琳師妹倪晨曦（Elva）早前放假返加拿大，因當年獲選為多倫多華裔小姐冠軍而入行的她，來港發展一年也未有返加，今次可放十幾日假，她最開心是可以餐餐食住家飯。
Elva說：「在香港一個人住，食飯好簡單，返到多倫多媽咪日日都煮好多餸，好好食呀！食到我肥晒，但都開心嘅！反而以前出街食成碟意粉、一個Pizza都冇問題，今次喺當地餐廳食嘢，只食到一半，可能喺香港食細咗個胃。」
此行在加國相約不少好友聚頭，幾個朋友齊齊到安大略湖著名景區影相留念，她說：「好似返去學生年代咁，夏天成日喺度燒烤，冬天結晒冰雖凍到零下十幾廿度，但成班人一齊好溫暖。」即使有點不捨，她返港也不怕悶，因經理人公司已為她接下不少廣告工作，日日都很忙。