JM預告情人節飛起男友

黎明愛將文詠珊（Janice、JM）昨日出席日本化妝品活動，並說本來打算和家人旅行度歲，但因為新年後要拍戲，故現在還未知能否起行。至於會否忙得連情人節都冇空和男友度過？JM即以保留態度說：「睇吓點，都係做嘢，唔講呢啲。（分咗手？）唔係，我一向都唔想工作時間講感情，工作還工作，分得好開。（公司反對？羨慕衞蘭公開戀情？）公司冇反對，但我自己唔係咁喜歡講，（你同男友有冇好似衞蘭佢哋咁sweet？）唔知呢。」她續說不認為黎明寵愛JW而被分薄資源。

代妹否認戀情

另外，同場示範最新妝容的莊思敏以V領裙示人，她笑說以前聽從人家說化妝是無師自通，故搞出不少笑話︰「初入行做嘢，收工後返屋企只係落咗半邊面嘅妝，然後跟住有妝嗰面去化，但最後發覺係唔得，都係要畀錢去學。」對於有指妹妹莊思明和巨聲幫大孖周志文拍拖，莊思敏說：「冇，我問過佢佢話唔係，我仲警告佢如果係拍拖，我要早知過記者，不過佢應承時係拎轉面。以往大家都會傾吓感情事，但同另外一個妹傾得多啲。」

港男冠軍翟威廉在場表演魔術，氹得JM十分高興。	莊思敏為以最佳一面示人，曾自掏腰包學化妝。	莊思敏代妹妹莊思明否認緋聞，更稱如妹妹真的拍拖自己一定知。