諸葛梓岐揀錶唔使保值
諸葛梓岐（Marie）每次出席公開場合均會悉心打扮，她特別鍾情奪目的bling bling首飾，塑造甜美可愛風，近日她在名店購入三隻鑽石手錶，價錢由三萬八千元至七萬二千元不等，她透露該手錶是由美國得獎設計師「炮製」，獨特之處是錶中圖案設計可親自揀選，就連鑽石和寶石配襯亦可自由配搭，她說：「我覺得呢三隻錶好靚，又容易襯衫，而呢幾隻錶嘅顏色配襯係自己揀，錶底亦刻有我個英文名，幾有紀念價值，第時我會留畀啲子孫，一代一代傳落去。」
身為富二代的Marie擁有不少名貴首飾，對她來說，買錶並不一定要保值，反而重視外在美，她說：「其實我都識投資，有買股票，不過手錶我就會以款式行先，我好鍾意boy size手錶，呢幾隻鑽石錶，高貴得來又唔會過分成熟，好啱我呢個年紀！」