Rainbow生日願望搵男友
o靚模胡心諾（Rainbow）日前十九歲生日，連續兩日與友人食飯慶祝，十分盡興！她先與中學同學於生日前夕大擦Pizza，起初還怨好友冇表示，但原來好戲在後頭：「食到尾聲嗰陣，餐廳職員突然推個蛋糕出嚟，好Surprise！」正日當晚，Rainbow則與友人到山頂餐廳食大餐：「我哋睇晒維港夜景，雖然冇男友陪，感覺一樣浪漫！」
問到生日願望，Rainbow希望可踏足影壇：「想拍多啲戲，愛情小品同警匪片都得！最想同偶像賀軍翔合作。」單身的Rainbow亦坦言想拍拖，她認為男友的外表不太重要，但謝絕矮仔：「最緊要錫我同關心我！唔一定要有錢，都唔使靚仔，高過我就得！」
