梁詠琪秘遊公園喬裝拍拖
古巨基和梁詠琪（GiGi）昨日擔任活動開幕嘉賓，基仔將為大會設計五款海洋卡通人物，並於園內供遊客選購，可謂賺到盆滿缽滿過肥年。GiGi則透露要「喬裝」才可偕美國駐港領事男友Matthew同遊公園。
基仔和GiGi昨日早上以「海洋保育大使」身份現身海洋公園，擔任「夢幻水都」開幕嘉賓。基仔應邀設計五款海洋卡通人物組成的「海洋保衞隊」，其副產品更設於場內供遊客選購。記者笑他可以不用靠唱歌賺錢，基仔笑謂：「唔好咁講，除咗演藝工作，設計係我興趣，可以有發展空間都好開心。」
40歲才人工受孕
問GiGi會否約男友Matthew同遊公園？她笑笑口說：「梗係會同所有朋友嚟啦！不過就算係都要打扮過，或者揀啲少人嘅日子。」對於陳慧琳公開以人工受孕方法懷得孖胎，GiGi表示無意倣效：「我會選擇自然分娩先，四十歲之後先諗人工受孕。（幾歲想生？）睇吓我嘅子女緣幾時出現，有啲人四十歲先生，可能第時發明到生仔唔痛呢！」
善待動物最重要
另外，場外有示威者高舉橫額，反對海洋公園困住所有動物。熱愛海洋生物的GiGi認真地說：「呢個係一個爭議唔完嘅議題，每樣嘢都有兩面睇，養住啲魚可以教導小朋友認識海洋世界，又可以話係困住啲魚，冇話邊個對與錯，最緊要係善待啲動物。」基仔則說：「大會會有適當嘅答案畀大家。」
另外，對於無綫易主，基仔表示：「今朝坐車有聽新聞講，可能會有新嘅動態，大家都關心有新發展，我都係半個無綫職員，仲有部頭合約。」
文：音樂組