霍震霆談晶晶退役：正常里程
霍震霆、鮑起靜（鮑姐）、黃奕等前晚出席「銀都機構六十周年慶典暨辛卯春茗」，霍震霆似乎知記者想問有關「未來新抱」郭晶晶退役一事，即謂：「我哋傾番活動啲嘢！（退役係咪為咗人生大事？）唔好問呢啲嘢，都係為咗做番優秀運動員正常里程，（係咪想飲新抱茶？）你知我唔會答你啦！」
鮑姐在會上見回不少導演、老師感到很開心，更笑言：「我係好細嘅一個，我係訓練班最後期嘅，好多導演依家九十幾歲仲好好，夏夢姐更加唔使講，永遠咁美麗，（同你同期有乜人？）我老公囉！（嗰陣有冇辛酸史？）嗰陣啲導演好好，好少鬧演員，可能我聰明啦！」黃奕則稱最近留在香港，正積極學好廣東話，稍後或會拍香港電影。
