吳雨霏抵冷吹風半裸搖滾
吳雨霏還有三天便舉行紅館處女個唱，她特別為此推出新碟《Carry On》。而她在唱片封面更以上身赤裸、配合一set重金屬粗鏈的造型拍攝新碟封面，是她出道以來露得最多的一次。
吳雨霏（Kary）還有三天便舉行紅館處女個唱，她特別為此推出新碟，為苦練兩個月的演唱會造勢。一向搖滾味重的Kary透露，為了新碟首次以上身赤裸、雙手持毛巾掩胸的造型拍封面：「今次我真係豁出去，但只要效果健康同靚就值回票價。最辛苦係拍攝嗰日天氣只得十度左右，本來已經好凍，但為咗製造飄逸嘅效果，用四部風扇吹住我，影完都有啲頭暈，好彩冇病。」
金屬鏈由愛變恨
除了真空之外，她更配上了一set約十多磅金屬十字架鏈作飾物，貫穿四、五個造型。Kary對此飾物又愛又恨，笑說：「第一次見到呢件飾物就愛上咗，好有味道，好配合我嘅個性。但因為實在太重，戴咗成八個鐘，令我條頸同膊頭都好攰，紅晒，所以有日再喺影樓見到佢，我都怕怕。」
今次Kary的新碟除了一向擅長的情歌外，亦有兩首快歌，因為太久沒有以快歌示人，她希望自己可以繼續帶新驚喜給粉絲。
文：音樂組