陳嘉寶失手頭耷 絕處逢生
o靚模陳嘉寶前日重考車牌路試，試前補鐘作最後衝刺，兼做足調校倒後鏡等門面工夫；無奈考試期間稍有失誤，以為再次「肥佬」之際，豈料最終成功過關，開心到想即時做同事的「柴可夫」。
陳嘉寶（Anjaylia）去年考車牌路試時失手，前日再度出征，雖然她已有經驗，但考試前一晚依然忐忑不安，在微博大呻緊張擔心，所以赴考前一小時已捉實教車師傅補鐘，作最後衝刺。Anjaylia上堂時分外專心，認真地聽師傅教導，希望不用考第三次。
到了考試一刻，緊張的Anjaylia收起笑容，在考牌官前扣好安全帶、調校倒後鏡及雙手緊握軚盤，做足基本動作。
心急接載同事
不過Anjaylia試後卻頭耷耷、嘴扁扁地說：「路面比較多車，又多燈，考牌官仲口頭警告我。」以為再次「肥佬」的她，收過成績單後才驚見只有數個代表輕微犯錯的小剔，終於成功考獲車牌。Anjaylia即時興奮地說：「多謝師傅畀心機教我。唔知幾時可以載同事呢？不過佢哋都唔敢坐我呢個新牌仔架車。（買車？）儲緊錢，媽咪管理，睇吓屋企人有冇需要啦。」採：專案組