江若琳（Elanne）昨日到電台宣傳首張國語碟時，指內地男人追女招數好「狼死」，她說：「有個男仔喺某場合見過我一次，就託朋友約我返佢屋企食飯見父母，但其實我唔識佢，我立即拒絕咗，雖然我信有一見鍾情，但我覺得拍拖要相處過，感情要慢慢培養。」
Elanne又透露在讀書時，每逢有男同學致電給她，都遭母親惡言相向，很抗拒她談戀愛，但日前母親竟然勸她拍拖，原來母親擔心女兒玩「斷背」，問她是否鍾意男仔？她好肯定說：「梗係啦。」
